Elusen Gofrestredig Rhif. 217702

​

Pwrpas yr adeilad hwn, a gefnogir gan y Comisiwn Elusennau a Gwirfoddolwyr, yw darparu neuadd bentref at ddefnydd trigolion yr ardal gyda'r nod penodol o wella amodau bywyd y trigolion.

​

Yn dilyn cyfnod o ddirywiad, sefydlwyd pwyllgor ymddiriedolwyr yn 2000 ar gyfer adfywio adeilad yr Institiwt. Cynhaliwyd cyfarfod cyhoeddus a ddenodd cynulleidfa o tua 90 a penderfynwyd yn unfrydol y dylai'r pwyllgor oedd newydd ei ffurfio, symud ymlaen i geisio achub yr Institiwt. Roedd yr adeilad mewn cyflwr gwael iawn ac nid oedd modd ei ddefnyddio, felly bach iawn ac annigonol oedd yr incwm oedd ar gael ar y pryd ar gyfer y gwaith cynnal a chadw, heb sôn am wella'r adeilad.

​

Derbyniwyd arian gan yr Undeb Ewropeaidd, Cronfa Ardoll Agregau i Gymru. Digwyddodd y gwaith o atgyweirio ac adnewyddu'r adeilad dros dri cham ac roedd yn golygu ymgeisio am arian gan wahanol gyrff. Roedd angen hel bron i hanner miliwn o bunnau er mwyn cyllido’r gwaith.